航空短打 – 好學唔學！港航平飛靜雞雞Cut走免費揀位！
出名平靚正嘅港航，好學唔學學人做廉航？有消息人士爆料，近日香港航空網站熱門航點已經響票價最平嘅「精選經濟客艙」度全部靜雞雞Cut走免費揀位。經過我哋連續一個星期調查，發現一眾受歡迎航點全部無一倖免。想揀位？每人最少畀多三舊！嘩！快運都係一程45蚊起，港航會唔會貴得太離譜呀！
編輯部不斷追查，發現港航多個熱門航點，包括東京、上海、北京、台北等地，已經全部Cut走免費揀位。如果你揀位，就是被逼選擇貴三百到四百蚊嘅「自在飛」票價，加加埋埋貴過其他航空公司。嘩！咁會唔會狼咗啲呀？
- 東京、上海、北京、台北等地已不設免費揀位
只有部分冷門航點如貴陽、南寧等地，港航仍然為「精選經濟客艙」提供免費揀位，不過唔知會幾時Cut埋。
- 南寧仍提供免費選座服務。
編輯部判官：對比同系貴得唔合理
雖然依家多間傳統航空公司已經開始收座位選擇費，但相比之下港航呢個價錢真係貴得離譜。參考同系快運都係一程45蚊起價，港航最少$150一程真係唔合理！
