航空短打 – 真係不得了 因航新問卷研cut餐牌 凌晨機繼續食Snack Box
其實大家都知國泰Insight乘客問卷一向都好似林鄭局長啲專家報告咁，拎黎話反映乘客意見嘅cut cost刀黎架啦！尋晚突然推出咗經濟艙餐膳問卷喎！不得了呀！因航竟然會佛心起，知道大家唔想再食茄汁焗長通粉？少年你太年輕喇！原來又係部署緊Cut Cost咋！
咁啱小編上兩個月搭因龍有得做問卷，問卷第一條已經問：你覺得個餐牌響經濟艙有冇用呀？如果為咗環保，你覺得要唔要forgo(唔係cut呀，係「拎走」呀)張餐牌呀？嗱，老實你放上PTV等客睇呢我好贊成過你派嘅，但咁環保咗啲錢，你拎黎減價定填你個期油氹先？
好啦，到後段問你對紅眼凌晨機派食物盒(Snack Box)嘅意見，小編梗係不滿啦！好啦當你填咗你唔滿意之後，因航問你：咁你想揀邊款呀？咦！咁好死？
梗係啦，你有三個選擇：
1.食包裝曲奇果汁小食袋；
2.三文治小食盒；
3.我食咩都得呀。
我X！熱餐呢？我最想食嘅熱餐呢？做咩冇得揀熱餐呀！！！！你得葉劉同林鄭我揀？我要食薯片呀！！！
