旺季廉航爆客！大灣區航空載客率仲係最差？載客率輸快運港航近15％！內房一身蟻！大水喉射唔射得住？

by · Published · Updated

又嚟到一個月一度嘅關心大灣區航空台北線載客率時間，由於踏入旺季呢個瞓喺度都賺錢嘅季節，間間廉航都爆客，接近班班爆滿，大灣區航空竟然仲係咁多間港籍航空公司中表現最差！有冇搞錯呀？
大灣區航空台北線一直表現以差劣形容，就算搞埋$10單程飛台北，旺季期間載客率只係僅僅達八成，相比其他廉價航空如香港快運、香港航空高達96%的接近全滿載客率，大灣區航空仍有一大段差距。暑假飛台北都唔滿？真係有冇諗過摺咗佢？
大灣區航空母公司深圳東海集團為深圳房企，近月內房塵爆，對深圳東海集團銷售必然有影響。再加上姊妹公司東海航空上年4月傳財困延遲發薪，7月被中國民航局不具名指部分航空公司資不抵債風險高，東海航空被估計列至名單內。今年中國開放邊境後，仍被國家民航局補貼141萬人民幣，與海航系一齊受益，母公司同子公司財務情況令人懷疑，唔知大灣區航空掂唔掂呢？

Tags:

You may also like...