Suki妹機場手記 – 櫻花妹「小藍」狠心斬纜再賤賣 皆因回報不似預期 復航未有期！
大家好呀，又嚟到Suki妹機場手記嘅時間～
呢幾日見到櫻花妹「小藍」劈價賣啲經濟艙同商務艙，比得上當年「廚叉」啲價錢，兩個櫻花妹平日都一向出名矜持喎，因乜事性情大變啊？Suki妹就搵吓「小藍」啲閨密問吓啦，問問吓先知大件事！
原來「大都會」開關咗咁耐，去睇櫻花嘅人多，但來大都會嘅人真係唔算多囉！「Suki，你都知小藍一向都serve開櫻花仔櫻花妹啦，櫻花仔櫻花妹唔去大都會，咁邊班機影響得最嚴重吖？況且大都會咁多班機，咁飛法貴嘢一定out！」咁又係，唔怪得減到咁平啦！
「仲有樣嘢有冇發覺？」小藍閨密話：「原本小藍話三月底會返去大阪，之前仲賣咗一段時間飛，依家又冇咗喇！」吓？咁大劑！係喎，唔講唔覺嘅！「羽田呢條線摺就肯定唔會，因為要駁美國，不過如果客量都係唔好，有機會改時間。」
*上述內容不代表本台立場*
