航空短打 – 人善被人欺！港航空少被炒！資深前線員工怒吼：班公司狗去晒邊？
香港航空近月爆出醜聞！一位高級乘務長因飛行安全理由，於七月一班前往大陸的香港航空的航班上，在機長同意下要求一名醉酒乘客下機。但乘客疑為母公司海南航空高層友好，該名空少近月遭解僱「祭旗」，令不少前線員工怒火不斷！
有資深前線員工同我哋爆料，指該高級乘務長任職逾7年，是港航少有的資深員工：「佢份人幾nice，做事認真盡責，今次好多crew都戥佢唔抵！」係咪真係官方講嘅表現不達標？「唔好玩啦！如果佢咁都表現不達標，公司不如炒晒班一心掛住layover去邊玩嘅少爺同公主先啦！」
但最世態炎涼嘅係，多位一直與他「並肩作戰」嘅老員工，卻人人噤聲深潛大海：「講真響港航做得咁多年有幾多個？有班『公司人』成日講到自己當年點同港航出生入死，又話咩當年大家點互相幫助仲要講到老淚縱橫咁，乜嘢都話多謝公司，唔講以為港航做緊傳銷咁。依家有人畀人屈砌生豬肉，呢班『公司狗』去晒邊？咪成班擦鞋仔囉！」
人走茶涼，但呢位空少堅持做正確嘅事，我哋一定撐你！
