只限一天！要上淘寶？唔駛跑酒店！住2晚即升萬豪酒店金卡會員！

如果你話：我個人好憎大陸App好憎淘寶好憎支付寶，又或者公司同事幫你淘開自己冇account，老老竇竇呢個推廣絕對唔啱你。

是咁的，當好多Blogger教你跑十幾晚酒店拎金卡時，我地教你玩正嘢！原來淘寶/天貓/飛豬同萬豪酒店做緊會員優惠，你有淘寶account經淘寶手機App申請做萬豪會員，響註冊日期開始計90日內住滿2次(唔係晚數)，就會免費升級做金卡會員。

金卡有咩好處呢？最好嘅其實係呢兩個：
包卡主及一名同行人士行政酒廊；及
最多二人歐陸式自助早餐

老實講住2次其實唔難，深圳福田口岸附近喜來登都係五百蚊人仔一晚，即係千幾蚊上金卡囉，不過只限今日！
點玩？等我哋介紹啦…

首先，你要有以下嘅嘢，如果冇嘅，可以唔洗睇落去：

1.淘寶值1000以上嘅Account(即係要成日淘寶嘅戶口啦)
2.已實名內地支付寶戶口(個戶口要連上上面嘅Account)

去淘寶/天貓/飛豬App入面嘅「萬豪國際集團旗艦店」>「萬豪超級品牌日」>「註冊萬豪會員」
如果你係成功的話，你張卡會顯示以下呢個圖示：

響註冊日期開始計90日內住滿2次(唔係晚數)，就會免費升級做金卡會員，雖然佢地冇明確表示一定要經飛豬訂，不過得一日時間，你問得黎不如訂咗先(飛豬唔用得香港支付寶)。有人總會話大陸嘢唔OK，嗱小編都係一句：

祝大家玩得愉快！

優惠期限：2018年7月28日