人工智能旅遊顧問 訂飛追星一樣得 TravelFlan狂徒初測試

近年網上旅行服務急速冒起，除了較著名的台灣過江龍KKDay和本地薑Klook之外，今日又有重量級對手登場！本地旅遊平台品牌TravelFlan今日舉行發佈會，標榜免費人工智能旅遊助手，無論訂餐廳定追星，只要一個Messager就得，係咪真係咁勁？即睇！

根據統計，香港人平均計劃一個行程時，需要用30小時瀏覽網站，以獲得所需要的資訊。但都市人生活繁忙，未能真正發掘適合自己的旅遊情報，因此TravelFlan在2016年推出人工智能旅遊助手，讓旅客不論何時何地都可輕鬆計劃行程或協助。而且唔洗安裝App，直接用Facebook Messager/Wechat聯絡就得，非常方便。

TravelFlan稱，自推出以來已處理超過100萬條對話，並以專業技術分析大數據及整合旅客訊息，再向旅客推介適合他們的景點。如果人工智能答唔到，就會轉畀真人處理。講到咁勁，係咪真係Work先？等狂徒即測試！

1.基本嘢：餐廳推介  難度：★★★☆☆(3/5星)

我哋試吓問一問如果去札榥有咩居酒屋推薦，大家都明嘅，真係唔識抵死題！人工智能旅遊助手回覆都好快，只要一分鐘都唔洗，就畀到意見，呢一題，滿分！

2.深入啲：去追星  難度：★★★★☆(4/5星)

我哋一共問咗兩條問題：就係首爾邊度睇到Twice同埋邊度可以買韓星Fans Meeting門票，由於難度大咗，人工智能旅遊助手嘅回覆就變得有少少慢…大概五分鐘先覆到我哋，不過答案都有齊網址、地址同點去，算你過關！

3.夠刁鑽：指定睇韓星行程Plan  難度：★★★★★(5/5星)

我哋要求人工智能旅遊助手幫我哋Plan一個三日有得睇韓星嘅行程，等咗漫長嘅二十分鐘先覆我哋，不過佢都可以幫我哋安排睇KPOP Show同埋去JYP總部追星，達到我哋要求，不過慢咗啲！

總結：概念好，唔洗諗，但反應更快仲好！

我哋都測試咗幾次，一啲基本問題例如都幾快，但當問一啲深少少嘅問題雖然可以答到，但就有少少慢。不過對於唔想諗又有特定要求嘅人，呢個服務又真係唔錯！不過如果反應更快，同埋一條link訂晒所有嘢，咁就真係完美！

網址：www.travelflan.com