航空短打 – 十九大大執位 港航前路未明!

又到咗好耐冇見嘅《航空短打》環節,做咩潛咁耐水先出現呢,親?無他,因為港航依家只有一個字形容:亂!實在有太多似是而非或者似非而是嘅消息,等住我哋去消化!港航管理層敲定2018年年底前要開:倫敦(希斯羅/格域)、紐約、新加坡同莫斯科。你冇聽錯,我哋都冇講錯。新加坡都開?總之消息就係咁啦!

不過,係咪會延續呢個政策,港航中人多多少少都有保留,因為十九大樓上大執位,港航老母海航已經係頭號被整肅嘅對象,但依家樓上啲位都未執完,究竟海航未來點行都未有人知,邊個總做咩位管咩嘢冇人知,會唔會繼續呢個政策又唔知,會唔會繼續泵水都唔知。只係知道,依家港航立立亂,想搵個人confirm吓消息真偽都冇人肯定答到你,親。

You may also like...