航空短打 – 天怒人怨！快運即日取消航班！玩死地勤！
近排搭快運嘅大家要小心啲喇！有港航地勤(HAGSL)嘅員工同我哋爆料，話近日同屬海航系的香港快運航班延誤問題異常嚴重，更曾經試過即日起飛前取消航班，惹來一眾乘客不滿，前線員工士氣低落，壓力接近爆煲！
有HAGSL嘅員工表示，負責香港快運地勤嘅同事，壓力已經接近爆煲：「佢地(香港快運)今日(19/7)即日cancel咗隻1600(香港往福岡航班)，仲要overbook！啲客黎到counter先知cancel咗！成班(客)指住我哋鬧，日日都係咁，我哋壓力好大！但UO班人潛晒水，好唔負責任！」該員工續指，HAGSL管理層對快運這種情況仍然愛理不理，嚴重打擊士氣，導致不少人考慮辭職。
香港快運近月已經不斷發生問題：新引入的A320Neo客機因引擎安全漏洞全面停航、前線人手又嚴重不足、加上近日後勤爆離職潮…等等問題導致骨牌式冧機。由於香港快運的地勤服務由同系HAGSL提供，因此在快運登機櫃位的工作人員大部分非直屬於快運，但卻要硬食快運無能管理以及客人嘅怨言。
