達人報告 – 長榮The Club貴賓室報告

相信由其他公司商務轉搭港航商務時，大家總會覺得有一種「一分錢一分貨」的味道。無錯，港航的確做到人有我有，但絕對僅限於「我有」的階段。好似今次台北長榮The Club貴賓室，係長榮系最基本嘅Lounge，提供畀長榮信用卡持有人同港航商務使用，絕對又係一個「人有我有」好例子。

長榮The Club貴賓室在二樓，在Food Court對面。由於係一個Open Area，又冇額外冷氣提供，由於開放畀信用卡卡戶專用，多人的話都恐怕有少少熱。由於係長榮系最基本貴賓，只提供一個淋浴間，其他商務區休息區等一一欠奉。

食品區選擇只有幾款，全部都是標榜台灣味道本土美食。作為香港人口味上當然沒有什麼問題，但外國乘客會否合適就成疑問。

飲品及甜品區，一眼睇晒，甜品就只有兩款，我冇補充了。

味道尚算可以，不過選擇太少，而且人手不夠，常常無人收碗碟。

評語：功能陽春
如果作為信用卡卡主貴賓室，長榮The Club貴賓室的質素絕對說得過去。但如果作為港航台北商務艙乘客貴賓室，這種質素未免太強差人意。連母公司海航都選擇長榮最高級The Infinity，港航實在沒有如此不堪選擇的餘地。如果港航真的想超越本地對手，除了價錢之外，質素方面也不能如此將貨就價。