獨家報導 – 你以為係最低價?埋單貴過官網!某大旅遊情報網疑似中伏實錄!

3k

大家都知Packngo.hk編輯們一直都踢爆唔少黑幕,今集又有好嘢睇喇!話說某大型旅遊情報網一直都同幾家小型旅行社網站合作,不斷推出大量低處未算低嘅未稅價機票,連埋佢地獨家Promo Code,好似平到冇人有!但有讀者同我哋爆料,話親身試咗,某大旅遊情報網合作網站埋單竟然貴官網成千幾,中伏!

事緣讀者陳小姐(化名)有一日睇咗一個有超過六十五萬人Like嘅某大旅遊情報網,聲稱國泰機票大減價,並指到指定小型旅行社網站購票有獨家減價Code,陳小姐不虞有詐,便用了接近一萬六千蚊「優惠價」訂了兩張來回歐洲機票。豈料她同一日到國泰官網查價,發現同一日期同一航班,國泰官網竟然仲平成千,又冇得退款,好慘!

3k

我哋Packngo.hk編輯調查過,發現該旅遊情報網時常與較小型旅行社網站合作,而隨機查價後發現,這些訂票網站竟然會貴官網千幾!就算扣除該旅遊情報網所謂「獨家優惠」,都係減得一百蚊,如果跟佢訂,優惠隨時變羊牯!究竟點解會咁?

3k

(資料圖片)

我哋問過知情人士,佢地指部分旅遊情報網「出晒名淨係收錢出feed」,意思是向旅行社收廣告費出情報:「冇人話呢個方向唔啱,但有時有啲行家淨收錢,唔會核實究竟係咪真係平。」據了解,一篇Facebook Feed涉事的旅遊情報網收近萬元廣告費:「呢啲錢(廣告費)個網收完,個客(廣告客戶)邊度賺返呢?係人都知啦,邊個訂票咪賺返囉。」唔心水清,真係好易中伏!

Packngo.hk編輯提醒大家,其實呢啲事情發生唔止一次(詳見此處),咁應該點做呢?達人教你路:

1. 經大型旅遊網站(如Expedia、Zuji及Hutchgo等等)買飛,中伏機會會低好多。
2. 睇返啲正正經經報堅料嘅旅遊網站,好似我哋好多時都會做比價(詳細)。
3. 唔係官方特價之前,記得先格價。

You may also like...