北歐航空100萬哩數挑戰攻略！用兩萬三換100萬哩是咪著數？精選多條航線！

北歐航空自從加入天合聯盟後，突然推出天合聯盟挑戰計劃，由即日起到2024年12月31號，乘搭天合聯盟指定航空公司嘅其中15間，就可以獲得100萬里數！100萬里數究竟有幾多？大概係可以換到十張台北來回美國，今次教大家港紙兩萬三落樓拎100萬里數！

講之前大家要知道，唔係所有天合聯盟成員都可以有呢個挑戰，北歐航空只係承認下面嘅航空公司，經濟艙都得，只要玩其中15間就得。如果遇上共掛班號嘅航班，就以實際營運嘅航空公司為準。

好啦！我哋開始講吓可以搭咩航線！

肯亞航空：廣州>曼谷

冇得你揀想唔想翻大陸！呢條第五航權線系最近香港，而且亦都係最平，又唔使搭到去非洲。都係一千二蚊。

廈門航空：廈門單程香港

廈門航空深圳係冇直航廈門嘅，最平就係廈門落嚟香港，搭高鐵上都係百零蚊人仔，絕對抵玩。

中華航空、大韓航空、中國東方航空：香港>台北>首爾>倫敦

拜中國東方航空首爾飛倫敦一千六蚊所賜，呢條線可以好平咁飛咗去歐洲繼續打大佬。

荷蘭皇家航空、法國航空、歐羅巴航空、羅馬尼亞航空、北歐航空：倫敦>巴黎>馬德里>法蘭克福>倫敦

建議大家留意可以揀混合航空公司嘅轉機盤，例如倫敦去巴黎可以揀KLM+法航，一個價錢玩齊兩間。

維珍大西洋航空、達美航空、沙特阿拉伯航空：倫敦>紐約>華盛頓>馬尼拉

經大西洋飛到去美國，由美國再經中東轉機返東南亞。

最後拼圖 越南航空 、印尼加魯達航空：雅加達>胡志明市

到咗馬尼拉後可以轉廉航到雅加達，再由雅加達飛胡志明市。

計曬成條數埋單都係$22786，當中未計任何住宿同駁腳成本。不過以上全部都係講經，雖然100萬里數好吸引，但我哋都唔建議跑。