拋離國泰中華長榮一大截！全服務航空公司之冠！星宇航空台北線載客率達八成！

by 旅遊狂徒編輯部 · Published 26/09/2024 · Updated 26/09/2024

又嚟到每個月嘅台北線載客率報告啦！今個月嘅報告反映咗8月旺季台北線載客率情況。今期三大香港廉航載客率冇乜太大變化，驚喜唔大！

不過作為港台線新貴星宇航空，載客率竟然達到80.1％，係咁多間全服務航空公司之冠！相比其他全服務航空公司包括國泰航空、長榮航空同中華航空只係有六成嘅載客率相比，星宇航空的確戰績非常彪炳！