航空短打 – 大灣區航空PR有睇連登!聽取民意還原基本步!大灣區航空行李政策重回單件7KG!
連登嘅嘢係咪真係冇人睇呢?起碼大灣區航空班PR係有睇嘅!
話說大灣區航空5日前喺官網更新行李規則,被心水清嘅連登仔見到,發現行李限額由「一件手提行李7kg」更改至「一件個人物品加一件手提行李合共7kg」,呢種更改當然群情洶湧啦!
果頭快運前車可鑑,搞到一身蟻,大灣區冇理由衝埋去撞山!
當日我哋就事件聯絡大灣區航空,佢哋就即刻表示已經知悉事件,將會同管理層同埋營運反映意見。到咗今日,大灣區航空終於撤回之前嘅行李規定,回復返手提行李一件7kg嘅標準規定,官網亦都更新咗相關嘅規定。
老實講句雖然今次大灣區航空彈弓手係有啲渠,但起碼都很聽取乘客嘅意見,有時候口碑呢家嘢唔係話賣下廣告就得,係要累積落嚟先可以。不過今次大灣區航空肯聽取民意,撤回行李惡法,都值得一讚嘅!