識用EMS直寄香港！深圳免稅額懶人包可以收返入房！日本買嘢用EMS寄返香港！機場唔駛等行李即走攻略！

深圳飛日本又話要打稅點點點，好驚？

返香港機場等行李等到個心都凍晒，點算？

不如加少少錢，日本買嘢用EMS寄返香港，最快3日就送到香港，計落平過買來回寄艙行李！

唔識日文？其實只要上日本郵便局網頁，就可以填運單去到郵便局出示QR Code畀錢就得！

EMS收費

收費可以上呢度查嘅，基本上輸入你位處城市同目的地香港就得！

最快：

以10KG為例，最快嘅3日EMS收費係13350JPY(約港幣$645)，而20KG收費係19800JPY(約港幣$956)，如果慢啲仲會更平。

最平：

最平10KG收費6600JPY(約港幣$319)；最平20KG收費10600JPY(約港幣$512)，約20日到香港，平過快運買來回行李。

如果等得嘅，揀6日到香港嗰款，通常第4-5日已經通知可以收件。

大家如果搭快運買飛時加20KG行李收$300，後加$380，起飛前48小時加$460，但呢度係有需要先寄，仲可以來回程都唔買手提同寄艙，齋背囊出發都得，彈性大勁多。

郵便局位置

喺Google Map度Search「Post Office」，開放時間乜都有齊。日本郵便局都多，附近總會有一間。

如何落Order

唔識日文冇問題，只要登入International Mail My Page，就可以上網填運單，填完就會有QR Code，直接畀個QR Code郵便局嘅Staff就會幫你搞同埋收錢。

不過記住，香港同澳門要揀「HONG KONG」同「MACAO」，唔好揀「CHINA」，否則送錯就哈哈哈！

盒呢？郵便局有得賣，最大嘅盒價錢500JPY(約港幣$25)樓下，夠放你啲戰利品架喇！

如何拎郵件？

香港任何一間郵局都拎得，唔駛講太多了。