航空短打:灣升U降?睇多陣先決定!大灣區客淡季載客率首次上升接近六成!快運台北線跌穿八成!

又嚟到每個月1次嘅台北線載客率調查報告,喺4月呢個淡季情況下,大灣區航空雖然仍然包尾,但在減價策略下,載客率不跌反升,首次達到接近六成達58.4%水平,同排尾二嘅台籍長榮航空載客率62.6%距離大幅收窄。

不過俾較令人意外嘅係,香港快運航空台北線以往一直以嚟都同香港航空一樣保持到八至九成嘅載客率,今次竟然跌破八成,只係達75.9%,不過4月數據未反映快運更改行李政策嘅影響,所以要睇多幾個月先見到真章。

而喺高雄線方面,長榮嘅加入未見對市場有太大衝擊,長榮高雄線載客率62.2%,以新開航而言算可以接受,中華載客率只微跌0.5%報69.3%,國泰和快運同樣有輕微跌幅,需要更多時間觀察。

You may also like...