咁都算新航點？點都要平亞航少少！香港快運航空單程曼谷(廊曼)$108起！
香港快運航空4月26日起將會有新航點：曼谷(廊曼)！當然要搞吓推廣啦，香港快運航空單程曼谷(廊曼)$108起(來回連稅$1084起)，時間午去徬晚回，價錢唔包行李！
相比入境都要排兩個鐘嘅素萬那普，廊曼嘅好處係人少啲同埋近市中心！不過前幾日亞洲航空啲$0來回廊曼已經畀人搶晒，但仲有批連稅千一左右仲要航班早午晚都大量供應！
咁快運呢口價雖然平亞航少少，如果之前$0你都唔買，呢口價都唔見得你會入！提提大家，亞洲航空寄艙行李收費平過快運嘅，初次預訂買埋行李仲送飛機餐，而啲飛機餐只係快運一半價錢仲要好食，所以拉上補下其實埋單都係差唔多，點揀自己諗喇！
優惠期限：至2024年2月26日
飛行日期：2024年4月26日至2024年10月26日(旺季及部分日子不適用)
立即訂票：www.hkexpress.com
