預咗你唔得！生意唔好直飛三剩一！樂桃航空單程大阪$440起！
樂桃航空今晚(22/12)八點會推出優惠，單程大阪$440起(來回連稅$1380起)，當然又係指定晚去早回機啦！如果嫌時間唔靚係可以加錢轉靚航班，最貴嘅凌晨去晚返就$1760起，其他玩法你就入去慢慢自己計啦！
預估佢今次都係清貨兩條將會取消嘅時間為主，貨量應該唔少，供應應該唔成問題。
講真啦日圓咁疲弱，日本人外遊興趣低咗咁多，香港又唔係好似曼谷越南菲律賓咁抵玩，又冇轉機客嘅情況下，日頭機嗰兩個時間晨早都預咗會摺！倒不如開凌晨機大阪飛turnaround早機香港出發，咁就有機會有班香港人陪你爆肝凌晨來凌晨回，又食到班早去晚返客！
樂桃航空行李收費逐件計，最盡嘅玩法係1個背囊1個隨身行李箱加1個寄艙行李箱應該都夠用，唔夠就幫你唔到了！
優惠期限：2023年12月22日20:00至2023年12月25日
飛行日期：2023年1月8日至2024年3月30日(只限指定航班；旺季及部分日子不適用)
立即訂票：www.flypeach.com
