人哋搶平貨？我哋砌靚貨！為自己創造價值！國泰航空特選優惠+駁腳跑分攻略！
以我哋一向立場，平嘅經濟艙可以諗吓，平嘅商務艙就應該入貨，大家飛嘅時間一樣，我哋飛完仲可以多到換多張台北來回先叫抵。明日(17/8)國泰航空特選優惠，咩台北連稅來回千二、首爾來回連稅二千、歐洲來回連稅五千嗰啲，我哋假設大家知咖喇。
人哋搶平機票去嗰度，我哋搶平機票駁腳跑國泰會籍分，人哋仲逼緊3-4-3個econ坐位度大汗疊細汗，你已經坐緊商務艙影緊相放上IG喇！當大家搭完話國泰啲經濟艙好難食，你可以用天真港女ABC tone話：「吓？難食jor？我上次搭Business Class啲嘢都OK wor~」
講真邊個知你睇我哋，幾千蚊就坐到國泰business先？
咁你ready未？睇我哋商務艙跑分攻略未？
1.跑分最高CP值：必搶香港去首爾！
因為ICN係最多平跑分盤嘅出發點，好似六千蚊已經落樓有140分+14000里數嘅ICN/BKK商務艙來回
2.趁住減價：香港去台北！台北修羅場減價！
國泰台北依家做緊商務艙減價：五千幾蚊已經可以來回東南亞，一個來回仲包120分+12000里，最平係曼谷，最抵玩係峇里，連稅來回六千樓下！而馬航都有100積分分嘅平盤飛曼谷！今次趁減價補張駁腳唔好咩？
3.點解跑分盤駁腳搭國泰會好啲呢？
首爾都有包行李嘅濟州成日減價，又有快運台北成日減價，點解要買國泰做駁腳？
因為有寰宇一家行李無縫連接服務，可以直掛落到駁腳最後目的地，但唔係個個航點都有，例如Air Canada只係得HKG/YVR/YYZ提供呢個服務、KLM只有，但一段而言，OneWorld系航空公司大部分都寫明All Station(Alaska除外)，所以不用太擔心。不過可以答你，十個地勤九個唔識，所以自已預多少少時間最穩陣。
但都係嗰句，唔好book得咁緊，炒車嘅係自己。
好啦，聽日(17/8)下晝2點準時進場，睇吓有冇心水揀到啦！
優惠期限：2023年8月17日(14:00)至2023年8月30日
飛行日期：2024年1月1日至2024年6月30日(旺季及部分日子不適用)
立即訂票：www.cathaypacific.com
