飛一次特平特快直上OneWorld藍寶石!可以玩永續JGC?日航國際航班雙倍FOP積分攻略!

今日有個好消息,就係日航推出國際航班雙倍FOP積分,所有日航自營國際航班都可以有雙倍FOP積分至2023年12月31日,令各位國際玩家可以好快登上日航JGC會籍

,實行低成本永續寰宇一家藍寶石。

如果大家今年仲未跑晒國泰,可以考慮先轉會先玩日航JAL Mileage Bank?不過有咩航班可以飛一次就即上藍寶石?

咩航班可以雙倍FOP積分?

  • 2023年12月31日前完成的航班飛行
  • 只限所有日航自營國際航班
  • 日航共用掛號航班不適用(即係國泰執飛、美航執飛、華航執飛的日航班次全部唔得)
  • 寰宇一家聯盟航空營運航班不適用

慳水慳力 一砲過飛一次即上JGC

既然都送雙倍,咁不如慳水慳力啲,一砲過來回一次即上OneWorld藍寶石啦!

必揀!日航曼谷來回三藩市商務艙!

日航曼谷來回三藩市商務艙最正嘅地方,係冇美航嘅codeshare航班,包保唔會揀錯到時又一殼眼淚!計埋雙倍優惠,一個來回即賺52008FOP,立即直上JGC,直上OneWorld藍寶石!

而且價錢只係連稅143355THB來回(約$32226港幣),建議一律上官網買,雖然都係唔夠國泰上金卡平,但一程過升上嚟係正嘅。

記住一定要係BKK/TYO 再TYO/SFO,唔好揀Codeshare班次,否則唔夠FOP又要飛多次!

不過!日航JGC宣佈咗會在2024年改組,以後會唔會可以畀錢續OneWorld藍寶石的確係一個疑問,如果大家趁住雙倍FOP搏一搏都OK,但如果真係改嘅,咪都有2024年起碼呢一年玩吓OneWorld藍寶石囉。但提提你,JGC係by Invitation,所以最好十月底前跑完,確保你舊制限期前做齊手續!

趁住雙倍FOP搏一搏永續藍寶石慳水慳力

You may also like...