連稅一千鬆啲+時間可以！亞洲航空深圳往曼谷/吉隆坡單程$223起！

近排珠三角地區啲機場原來爆緊曼谷減價戰，深圳同廣州都打得火熱，春秋同九元做緊來回連稅港幣$999起，唔怪得港航劈得咁癲啦！不過上述劈價都係凌晨去凌晨返嘅瘋狂時間，去曼谷都要通宵傻咗咩？再平我哋都不了。

但係呢個盤就唔同喇！亞洲航空深圳往曼谷/吉隆坡單程$223起，來回連稅計：

曼谷來回連稅$1056起；
吉隆坡來回連稅$1090起。

點解話抵呢？以亞航深港澳現時嘅減價來講，澳門同香港價錢接近，除咗馬尼拉外，其他航點深圳出發係最平，仲要連稅比香港同澳門平咗至少三百至五百，呢個價錢已經夠你買埋寄艙行李啦！

曼谷線時間仲可以揀晚去晚返睇供應，時間雖然唔係話太靚，但起碼返酒店有床瞓，而且只係連稅一千附近，同時段真係冇對手。港航凌晨來回都要貴過佢，咁寧願深圳飛算。

當然，如果你揀亞航凌晨機，咁不如香港飛算。

而吉隆坡平香港三份一價錢，仲可以早去晚返，呢個都值得返深圳上機嘅。

大量Last Minute供應，所以可以慢慢揀！不過暑假就唔見有喇！

優惠期限：至2023年5月7日
飛行日期：2023年4月28日至2023年10月28日(旺季及部分日子不適用)
立即訂票：www.airasia.com