今次應該真喇掛？皇家約旦航空來回曼谷$1182起！
之為話復航又延遲到十月嘅皇家約旦航空香港曼谷線近日又放返位出嚟，來回曼谷$1182起(來回連稅$1881起)，比阿聯酋仲要平，價錢已經包咗30KG行李同機上熱餐。如果唔介意晚去午回，連埋行李的確比好多航空公司都吸引。
同埋最值得講呢個盤最有誠意嘅一點，就係可以有20國泰會籍積分同1048亞洲萬里通哩數。咁當然係唔多，但呢啲平價Econ票好多寰宇一家嘅航司都唔一定有分畀到你，佢呢個價錢都可以接受。而商務艙都抵玩，來回只係$4310起(來回連稅$5082起)，有50國泰會籍積分同2620亞洲萬里通哩數，誠意十足。
至於你話會唔會二度延遲，我哋都唔夠膽講，但聽聞上次啲客安掛咗飛泰航或者國泰，如果你以一個有機會刀仔鋸大樹嘅心態，入貨其實都冇咩問題嘅。
優惠期限：售完即止
飛行日期：2023年10月1日至2024年4月30日(星期一、三、五除外；旺季及部分日子不適用)
立即訂票：www.trip.com
