唔好浪費錢!大灣區航空來回台北套票$1890起!

大灣區航空推出優惠套票,一次過買三張來回台北套票$1890起(平均每套來回連稅$1530起),聲稱針對商務客人同探親客,價錢仲包20KG寄艙行李,一切睇起上嚟都好吸引,不過考慮以下幾點後你可能會縮沙:

1.時間:
現時大灣區航空一日只有一班台北,時間睇日子一係早機一係夜機,當日得夜機就係夜機。港航衰極都一日兩班一早一晚。大灣區咁嘅時間,啲商務客受唔受呢?錢係公司出,點會同你捱。
搭長榮同國泰萬一早咗去到櫃檯,如果前機有位地勤又可以幫你免費改早,呢樣都冇唔知點做商務客。

2.開票改票:
呢個套餐一開就要即時開晒三張並確認出發日期,第一張嘅出發日期不能更改,第二、三張可以更改最多一次,其後更改要收$500費用,如果不幸改票,咁個價錢就貴過中華同長榮。
同埋改票要打上Call Center改一至五朝九晚五半,改期冇得上網搞,作為探親客有急事返去,買咗真係人都癲。

3.Check-in:
今時今日貴為以無現金支付科技領先全球嘅大灣區,大灣區航空竟然係要排隊check in嘅,母公司東海都有得網上值機嘅時候,大灣區航空仲要浪費大家時間等。

講真,如果買得航空公司套票,除咗要平,彈性都係一個考慮因素。但呢款產品推得咁唔成熟,就真係好難話值得買嘅。

如果你係啲喜愛台灣 ,搏佢再推出三送一嘅客呢?咁呢樣又可以考慮喎!不過你真係要plan好日子,改期要睇艙位,如果要來一個放工出發Happy Weekend…吓?乜大灣區航空星期日得早機返香港?

優惠期限:至2023年5月10日
飛行日期:至2024年1月30日(旺季及部分日子不適用)
立即訂票:greaterbay-airlines.com

You may also like...