[會籍操作]為咗20KG港航免費行李,我要跑金鵬俱樂部!超前部署Status Match!(2)

承上集,雖然我都唔明,港航嘅優勢係寄艙行李平啲啲,為咗慳嗰幾百都冇,加個係信用卡都入得嘅Plaza Premium而跑金鵬金卡,然後去Status Match國泰,路途且遠又艱辛。

不過,講真港航現時處境,飛機又開始舊,家道中落又冇錢買新,現時空中巴士啲柯打多到要2029先交到機,港航再係咁陰乾自己等死,遲早被大灣區航空超越係預期嘅事。

但我哋明白,喜歡就是喜歡,給一眾喜歡港航嘅朋友,講解一下點玩金鵬俱樂部。

海航航段係咩嚟?

如果有睇我哋上一篇,都知要在120日飛滿6個海航航段先有張銀卡,飛滿12個航段先有金卡。香港航空比較簡單,基本上飛經濟一程一個,商務一程兩個。即係一個經濟艙來回就兩個;一個商務艙來回就四個。

不過現時港航商務艙價錢貴又冇PTV冇自家Lounge,真係唔好浪費呢啲冤枉錢先。

其實過條河上深圳同廣州都有海航搭,點解唔自製日航JMB式修行,一個星期搞掂?

修還修 因住修唔到變收皮

係,呢樣好重要,日本人準時見稱,但國內航司以唔準時見稱。

所以一日一程來回,盡架喇,深圳同廣州返香港都唔難吖,真係唔好搏咁盡。

深圳修練旅程

海航在廣州都多價錢平嘅路線,不過呢啲路線有冇海航航段就係另一回事。原來海南航空平價機票不一定有海航航段,就以深圳往貴陽作為例子,最平的價錢,一定不會有航段的。

咁邊條線抵跑呢?我哋幫你搵到呢條幾抵跑嘅航段。

廣州白雲 > 廣西百色
人民幣410(人民幣連稅540)已經有1個航段,票源充足因為冇乜人搭。如果你做修行的話,大概人民幣3240(約港幣$3695)已經可以跑到銀卡,咁金卡你就預一個double。

金鵬俱樂部的權益表中,金卡同銀卡係各有以下比較有用嘅權益:

金卡:貴賓室(自己連同一名親友)、額外30KG行李一件
銀卡:貴賓室(自己)、額外20KG行李一件

如果你唔考慮要搞國泰Status Match,其實一張銀卡已經夠做。不過如果要搞國泰Status Match的話,拎住張金鵬金卡,之後又點做?

下次再講!

You may also like...