達人攻略 – 外遊sim卡話4G冇4G!?留意外地網絡頻譜先有用!

外遊前好多人都會去深水埗買外遊sim卡，好多人都會為速度而加錢選購4G卡，但最後到當地得物無所用，收唔到！原來好多人買4G卡之前，都冇留意以下事項，隨時加錢買冇用嘢！

。支援制式

其實就算4G，都有分FDD同TDD制式，大部分嘅地區好似香港同澳門，都係以FDD做主流，而中國嘅中國移動就用TDD制式，兩者係互不兼容，咁如果你部手機唔支援TDD，就算買咗張Sim卡，都係冇用架。

中國移動香港網頁已表明，在內地一定要支援TDD制式手機。

。頻譜

就算你部機支援同制式4G，都唔等於用到架！因為使用嘅頻譜好重要！例如韓國LG U+使用850/2100MHz做4G訊號，同香港電訊管理局要求支援的1800/2600MHz頻譜係唔同嘅！所以香港賣嘅手機就算係行貨，漫遊到當地都未必支援到架！

就算韓國用FDD制式，都同香港主流頻譜唔同。

。手機

你部手機支援該頻譜？原來就算同一手機，雙卡同單卡版支援嘅頻譜都有差異！在香港使用時可能感受不到，到海外就會發覺差異極大了！

LG G3 單雙卡版的4G制式已經不同了。

。題外話：返大陸，先響香港買sim卡更著數？

係呀！因為香港嘅中國聯通同中國移動所出售嘅香港卡，全部已經較好晒VPN，唔駛設定翻牆就上到Facebook同馬會呢啲香港人日常生活網站。大陸賣雖然平，但唔一定翻到，咁翻唔到的話，嗰10GB流量你慢慢上優酷睇片啦。

香港卡，全部已經較好晒VPN，唔駛設定翻牆。