達人攻略 – 去台灣睇演唱會其實唔難！達人教你KKTix撲飛攻略！
去台灣睇演唱會有咩好？可以順便旅行放埋個假囉！況且台灣機票又平，睇心愛嘅偶像都唔會話花費好大呀，但係唔想買黃牛又可以點買飛先？今次達人教你用KKBOX旗下嘅KKTIX買台灣演唱會門券，事關佢地會有指定數量嘅票係留畀會員專買，咁撲到飛嘅機會就大增啦！點用？睇野啦！
先上KKTix網站揀選你心水嘅演唱會，然後揀「立即購票」。
登入KKBOX帳號後，就可以揀心水票價。
之後系統就會安排座位，或者自已揀都得，十分鐘內要確認。
確認好晒，就可以留埋聯絡資料同信用卡過數，就會收到電郵。記住身份證字號要用Passport Number，店員有權Check架！
訂單完成後，就會收到電郵確認。
黎到台灣，去到指定嘅Family Mart就有呢部Family Port售票機。
選擇票券>演展娛樂>KKTIX
入埋你嘅Passport Number同取業代碼，部機就會Print呢張野出黎，咪住！呢張唔係飛呀，要去收銀度交$30TWD(約$7.5HKD)服務費先有飛拎架！
呢張先係飛呀！我黎喇林宥嘉！
係咪好簡單呢？如果第時到台灣睇演唱會，就唔駛爭崩頭輕鬆睇啦！
近期留言