達人報告 – 想有人同你慶祝生日?響國泰商務艙訂個蛋糕咪得囉!國泰倫敦商務艙特別體驗!
想有人同你慶祝生日?好多人會話,首先…
好似小編毒毒咁多年,呢啲野唔係話有就有,如果唔想孤伶伶一個過生日可以點?
不如學我咁,生日買張商務艙去倫敦,再book定個蛋糕,等一班空姐空少陪你一齊過生日。
係咪好主意呢?究竟可以點做?
其實上國泰網頁訂票時就可以加入特別服務,一個蛋糕都係$300咋!
基本上我地都有報告過呢款商務艙,所以我都唔詳細講啦,你睇睇呢度:「員工服務細心,但杯哈根大師又細咗!」國泰商務艙體驗報告
上到機,都仲有Sleeping Pack,係Jurlique嘅出品。
180度平徜坐椅,係好瞓過港航嘅。
飛到中途,我最期待嘅畫面出現啦!艙內嘅空姐空少為我送上蛋糕之餘,仲會祝我生日快樂架!
同埋幫我影相添!你睇我笑得幾開心!
我今日好開心呀!我諗聽日一定會更開心嘅啫!
呢次嘅特別體驗,睇到國泰航空服務員嘅專業服務,希望在未來的日子,都能夠繼續維持這種優質服務,辛苦你地喇!
好,小編要出發去倫敦採訪喇!