航空短打 – 真缺錢？定執數為上市？港航內部爆cut budget潮！
據《路透》報導指，港航考慮於「短期至中期內」上市，計劃透過發行新股及可轉換債融資吸金約70億元。不過跟據我哋內部線人提供嘅獨家資料，指五月中時管理層內部突然爆cut budget潮！究竟係海航債務危機燒到港航，定係真係發展新業務？
據了解，管理層一早已減少每航班人手，引致休息時間大減，引致不少資深前線外逃和跳槽，今次又突然宣佈即時停止公司內部員工外地商務行程，有消息直指相關措施係因為「公司冇budget」同埋「要cut cost」，引起不少內部員工無限揣測：究竟公司係真「冇錢」定「執靚數」？
另外，一直多次向傳媒宣稱「唔憂賣」嘅港航，又點解突然急於上市？有指下一批港航無抵押債券於2019年到期，海航已經多次盛傳違約，有熟悉海航運作的知情人士指：今次吸水目的有機會為「債冚債」：「上年海航賺26億，借貸利息321億，條數根本計唔掂。之前佳美上市失敗，海航都要去搵新資金。」
