航空短打 – 仲爭人錢!港航歐美線大兜路!

又係港航?唔怕又上Secret咩?少年你太年輕了!是咁的,有港航消息人士同我哋爆料指會響2017到18年開晒西雅圖、舊金山、波士頓、洛杉機同倫敦。有咩咁特別呀?下個月你咪知囉!不過,同時佢亦爆出最震驚嘅獨家消息係:港航原來仲爭緊人錢,直飛都要大兜路!吓?

係呀,真係爭人錢呀!爭緊俄羅斯民航局錢囉!想當年港航楊總年代,爭落一街街數唔還,當年港航眾叛親離,油錢又拖、維修費又拖、廣告費又拖、搞莫斯科線時俄羅斯民航局嘅機場停泊費同空管費當然冇還到啦!冇還嘅後果係乜?唔畀你飛入俄羅斯領空囉!

港航有個有錢嘅爸爸睇住,怕什麼?少年你太年輕了,上咗民事法庭嘅嘢就算畀返錢都要時間解決。戰鬥民族俄羅斯民航局不是省油的燈,但欠債還錢天經地義,不過又聽聞計落條數唔多抵,就諗咗條絕橋,唔飛經俄羅斯領空就得啦!無錯,全部Flight Plan,暫時唔經俄羅斯領空,全線麻煩大兜路,溫哥華身先士卒啦!

You may also like...