獨家踢爆 – 票價照妖鏡!港航真係最抵?定貼錢買難受?同時段票價大比併!

港航係平霸就講到厭啦!得罪講句,港航就好似街市十幾蚊盒嘅外賣雙併飯,老實講幾難食都係抵架啦!但平就都係啲差到爆嘅時間,請五日玩得三日,對打工仔黎講有用咩?明碼實價唔呃人,所以今次編輯部來個票價照妖鏡,揀同時段票價大比併!哈!港航今次仲唔現形?

為避免大家話我哋乜粉物粉,首先我哋嘅比較定義係:
1.一定係傳統航空公司(有行李及飛機餐)
2.一定係直航航班
3.同時段定義為出發時間兩小時內
4.回程時間為兩小時內或最夜機
5.提供之時間內的最平價格為準

第一招:同時段照妖鏡!
港航曼谷係平,不過平親都係爆肝凌晨機,如果日頭機又點呢?嘩!原來係貴過泰航喎!咁我仲駛搭港航咩?泰航質素高又多時間揀!

第二招:旺季照妖鏡!
暑假一向都係旅遊旺季,我哋就睇吓港航有幾平!都唔駛睇啦,人地大韓仲平你五百蚊,時間大把你揀,咁都叫平霸?大韓質素好過港航是常識吧!

第三招:假期正日照妖鏡
旺季加正日一定貴,但睇吓幾貴啫!嘩!港航都夠膽死貴ANA一千蚊,即係要我貼錢買難受唔搭港航搭ANA?你有冇病呀?

總結:平?邊度平呀睇過?
原來一睇正常時間,港航都keep住貴過其他航空公司,各位打工仔假期寶貴,早去晚返一定玩最盡!編輯部奉勸各位,減價前要三思Check價呀!

You may also like...