獨家報道!分開訂仲平喎!某大旅遊網又老點你買貴機票!

今次又畀我地捉到喇!上次我哋捉過某大旅遊網又再同Travel Agent合作,又老點人買貴機票!今次又聲稱某間Agent推出優惠,搭香港航空飛溫哥華加多一轉東南亞/日本/韓國未連稅$4950起,仲話好抵喎!喂,港航賣溫哥華未連稅都係三千七,送嘅所謂航點極大部分都賣緊一千樓下,散買平過打孖上?有圖為證,去片!

2017年2月5日,某大出名「賣Feed」(收錢出鱔稿)嘅旅遊網突然出咗個超抵優惠,聲稱某間Agent推出優惠,搭香港航空飛溫哥華加多一轉東南亞/日本/韓國未連稅$4950起,我哋編輯部立即作出調查,上港航官網Check價,睇吓佢聲稱嘅飛行日期係咪真係平過賣街,點知我哋有特別發現!

 

原來響聲稱飛行日期內,響官網散買買一程來回溫哥華加一程所謂指定航點(金邊除外),合計仲平過某大旅遊網聲稱嘅優惠!即係話,除非你買溫哥華+金邊真係會平之外,否則,如果你買除金邊外第二貴嘅鹿兒島,上官網買都係$3700+$1080=$4780起,點解要畀$4950買兩張貴嘢呀傻豬?

又係賣Feed累事!之前都爆過料,一篇Facebook Feed涉事的旅遊情報網收近萬元廣告費,唔心水清,真係好易中伏!

Packngo.hk編輯又再再再再再提醒大家,其實呢啲事情發生唔止一次(詳見此處),咁應該點做呢?達人又再講多次:

1. 經大型旅遊網站(如Expedia、Zuji及Hutchgo等等)買飛,中伏機會會低好多。
2. 睇返啲正正經經報堅料嘅旅遊網站,好似我哋好多時都會做比價(詳細)。
3. 唔係官方特價之前,記得先格價。

You may also like...