如何多快好省地快跑寰宇一家藍寶石卡?國泰航空馬可孛羅會/皇家約旦航空 Royal Club淺談

 

上一次,我哋講到點樣多快好省地快跑星空聯盟金卡同天合Elite Plus,今次筆者想講吓點樣多快好省地快跑寰宇一家藍寶石卡(Sapphire)。曾經,寰宇一家藍寶石卡係快到唔洗跑嘅,響柏林航空未執笠時,淘寶都有唔少賣會籍嘅玩法,但正所謂「那動人時光不用常回看」,今日不如踏實講吓「如何多快好省地快跑寰宇一家藍寶石卡」。

老老實實,我認為在跑會籍前,要問一問自己:你跑寰宇一家藍寶石卡為咗啲咩先?

寰宇一家係全球第三大的航空聯盟,雖然係第三大,但由於囊括多間大型高質素航空公司(相對而言吧),因此成為不少飛行常客熱捧的對象。寰宇一家藍寶石卡的會員,搭乘聯盟航空公司航班時,可享用以下服務:

✅專屬登機櫃位
✅優先登機
✅優先選座
✅額外行李額度(額外15KG 或 額外1件寄艙)
✅優先行李處理(英國航空除外)
✅聯盟成員機場商務貴賓室(與同行一位乘客)
✅優先訂位候補/優先候補
✅同日航班行李直掛服務

寰宇一家忠誠計劃上比其他聯盟更闊綽,老實說網上嘅資源已經有好多有關快跑英航「Executive Club Gold」同永續終生日航「JAL Global Club」攻略,你去Google一下其實都見到。

不過,如果你諗住為咗拎張寰宇一家伙伴航空公司嘅藍寶石卡搭國泰時有得搏佢free upgrade?

學正AV仁話齋:我再三強調,不要有幻想。

寰宇一家可以話係最成功,亦都係最封閉嘅航空聯盟,沒有之一。多間重要成員(美國航空、英國航空、日本航空、國泰航空、澳洲航空)最成功的地方,就是各自擁有非常深厚的忠誠計劃。如果你拿著國泰的馬可孛羅會鑽石卡搭美航經濟艙,除了「藍寶石卡」待遇外,給你的不會多,也不會少,因為擁有AAdvantage更高階會籍的客人太多了,根本未輪到你。

同樣的情況也發生在國泰、澳航和英航:我們Upgrade自家會員的位都不夠了,又怎會entertain你這個唔係親生仔呢?

如果你常搭的是國泰,不要想了,來談談國泰航空馬可孛羅會吧。

如何多快好省地快跑寰宇一家藍寶石卡?國泰航空 馬可孛羅會 Marco Polo Club 金卡

馬可孛羅會(Marco Polo Club)係國泰航空嘅飛行常客計劃。雖然近呢幾年都cut咗好多嘢,不過相對其他航空公司嚟講,佢嘅待遇都算係唔錯嘅,例如食物鏈底層嘅銀卡客戶已經可以使用貴賓室等等。相對對等Ruby會籍嘅AAdvantage真係cheap過雞待遇,菠蘿會都算係咁。

第一件事:先豁免100美金入會費

首先,我哋唔會再解釋馬可孛羅會同亞洲萬里通的分別。如果你要做馬可孛羅會會員,麻煩請先付100美金入會費。

嗯,我們明白的。

當然我們也不建議你去做這檔蠢事,因為申請美國運通國泰航空信用卡,已經可以豁免入會費。好啦,假設你已經有齊馬可孛羅會會員,現在開始了解如何跑會籍。我們的目標非常明確:馬可孛羅會 Marco Polo Club Gold 金卡。

第二件事:了解「會籍積分」弔詭之處

馬可孛羅會自從改制後,加入了「會籍積分」的玩法。這個玩法最PK地方,就係你搭其他航空公司同一航段,就算得到里積累積差不多,但會籍積分會有明顯落差,變相逼你搭返國泰。

以這個例子好了:HKG/LAX 來回 商務艙(美國航空 vs 國泰航空)

你會發現,搭美航去洛杉磯的的里數回贈比搭國泰還要多,但會籍積分卻比國泰少,你可能會想:咁好正常啊,話晒都唔係自己公司,會籍積分低都情有可原嘅…

少年,你太年輕了,你睇睇兩間航空公司差價賣幾多?

差價接近二萬四,即係一半喔。

為咗30會籍積分畀二萬四仲要少咗哩數?傻的嗎?

Marco Polo Club嘅遊戲弔詭的地方就係呢度:如果你冇計算清楚就落手跑,你會白白浪費好多錢的。

第三件事:尋找「本少利大」的會員積分線

從零開始,馬可孛羅會 Marco Polo Club Gold 金卡的要求是一年內跑滿:300+600=900積分,其後每年維持600積分即可。簡單點說,我們只要尋找「本少利大」的會員積分線,就可以用最快速度跑滿目標分數。計算航班會籍積分

1.馬來西亞航空 商務艙 (香港>吉隆坡>曼谷)

連稅票價:約$5600(特價時)
來回會員積分:100
每會籍積分成本:$56HKD/積分

馬來西亞航空每年會有兩次商務艙特賣,如果你遇上特賣時入貨,一年來回9次已經取得金卡,成本約為五萬港元左右。
好處:不用請假,逢星期五六日飛即可,時間付出不大
壞處:要在減價時一次過購入機票

2.國泰航空 特選經濟艙 (新加坡>曼谷>香港>紐約)

連稅票價:約$9700(特價時)
來回會員積分:200
每會籍積分成本:$48.5HKD/積分(未計香港來回新加坡機票)

因為新航直航紐約的A359XLR特選經濟艙一直處於不爆滿狀態,因此國泰都要長期減價迎戰。飛四次再加一次100積分已經達標(成本約五萬左右),但必須要選上經曼谷的航班。特選經濟艙空間充足,航程不算太辛苦。
好處:成本低,供應充足,不用等減價,一個來回有200會籍積分,哩數可以補足下一次來回香港新加坡段,大大減低成本。
壞處:航班耗時太久要請假進行

如何多快好省地快跑寰宇一家藍寶石卡?皇家約旦航空 Royal Club 金麻雀會籍

如果你執意堅持,真係真係好想快跑一張寰宇一家藍寶石卡,享受寰宇一家嘅榮耀…可以諗諗呢一隻:皇家約旦航空 Royal Club 金麻雀會籍。

呢隻盤好簡單:首年在任何寰宇一家嘅航班累積哩積達40000哩,其後每年維持30000哩即可。不過唔好處就係,搭國泰航空累積哩程落皇家約旦航空都有幾大折讓的。反觀搭美國航空就折讓較少($1.14HKD/哩),來回兩次香港洛杉磯美航商務艙(合共哩程43488哩)已經夠升有突了。

但老實啦,飛兩程美航都接近四萬九…咁點解唔跑國泰吖?

總結:主場優勢,捨我其誰。

香港機場貴為寰宇一家重點機場,無論國泰定澳航嘅貴賓室都係高質素,所以跑寰宇一家絕對係抵玩之選。

當然啦,玩國泰為咗搏較大機會Upgrade是常識吧!

立即 申請美國運通國泰航空信用卡 跑Marco Polo Club啦!

You may also like...