如何多快好省地快跑天合聯盟 Elite Plus?中東航空 Cedar Miles 淺談

先旨聲明,寫呢篇嘢嘅原因,係因為「既然都寫咗星盟同寰宇一家不如儲齊一套畀大家參考啦!」嘅諗法。除非你Pat Pat痕,又或者有錢得滯,想集郵想儲齊三個聯盟嘅會籍,否則可以直接無視。

眾所週知,天合聯盟嘅里數被稱為航空界嘅冥幣,兌一張短程機票都要有好幾個零。

正正因為天合聯盟無論跑級定兌換方法,可以話係咁多個聯盟中最垃圾,沒有之一。

天合聯盟係全球第二大航空聯盟,相比其他聯盟,佢哋響聯盟成員間合作嘅成熟度係就係好高,所謂嘅高好聽就係佢地係共用咗大量資源,唔好聽就係慳錢。

畀個例子,當你去過佢哋多人過街市嘅Skyteam Lounge後,你實在講唔出自己有幾Priority。

要計到有貴賓室服務,只係得最高階Skyteam Elite Plus會員先用到。但又好奇怪,如果你手持Priority Pass,你可以免費使用倫敦、溫哥華同杜拜的Skyteam Lounge。咁…咁辛苦跑個會籍做乜呢?我申請美國運通白金卡都有啦!

循例都要講一講,Skyteam Elite Plus會員究竟有咩優勢呢?

✅專屬登機櫃位
✅優先登機
✅額外行李額度及優先行李處理
✅聯盟成員機場貴賓室(與一位同行旅客)
✅優先訂位候補/優先候補
✅貴賓專屬通關/轉機通道 (僅限指定機場)
✅優先轉機櫃檯

廢話唔多講,點先可以拎到天合聯盟 Elite Plus會籍?

如何多快好省地快跑天合聯盟 Elite Plus?中東航空 Cedar Miles Gold會籍

中東航空(MEA)係黎巴嫩的國家航空公司,規模可謂非常蚊型,但其會藉要求亦係眾多天合聯盟成員中最低。要達到中東航空 Cedar Miles Gold會籍,只要在12個月內達到40000哩認可旅程(無自家航空公司佔比限制),相對其他天合聯盟成員天價要求,這會籍易跑得實在。

特別要說的是,MEA在哩程回贈上,在配合中國東方航空商務艙有非常大的優勢(130%),廈門航空商務艙更高達150%(但香港班機太少)。中國東方航空商務艙在MEA最低都有130%哩程回贈,配合香港出發的特平歐洲/北美機,以香港>上海>巴黎商務艙來回合共取得17030哩計算,每哩程成本大概只是$0.98HKD/哩。

不過,MEA的好處只限中國東方航空和廈門航空的商務艙而已,華航兌換率都不算出色。如果大家對中國航空公司沒有好感的話,這個方案不太合適。

總結:其實你要Skyteam嚟做咩啫?

重申一次,我對Skyteam嘅印象一直都係呢個:

Skyteam在香港用處真心唔算吸引,實在無必要畀錢玩。

如果你為咗個lounge,咁不如申請美國運通白金卡用張Priority Pass入Skyteam Lounge仲簡單實際啦…

You may also like...