京阪神精華遊 – 大阪篇(上)

untitled-1

去日本旅行體驗大和風味永遠都係香港打工仔最佳節目,而貪心又永遠都係人既本性。去東京略嫌同香港太似,去北海道又未有雪,去沖繩又唔夠和風,一於發揮香港人能屈能伸特性,去個京阪神精華遊!

話明能屈能伸就梗係訓足一日之後凌晨機去,玩盡一日之餘仲可以慳番晚酒店添。

untitled-1

筆者每次到關西都會先選擇道頓崛作為落腳點,抵達關西機場後可以選擇搭乘機場巴士,JR又或者南海電車都可以到達道頓崛。

選擇JR線既朋友可以係關西機場搭乘粗藍色線往天王寺方向接駁大阪環狀線到JR難波。

選擇電車既朋友就就可以由關西機場搭乘粗綠色(南海)線到南海南波(なんば )。

選擇巴士既朋友就可以直接由關西機場乘坐機場往大阪OCAT。只需要係機場一樓正門購票機買一張往難波OCAT既飛,然後去11號巴士站,乘坐往難波方向(なんば行き),係終點站落車就可以啦。

untitled-1

關西機場麥x勞黃遮免費租借服務,香港就一定無啦T_T

untitled-1

筆者早上六點已到達關西機場,加上時間充裕,所以選擇搭乘南海電車。雖然早上機場開出既列車未有人,但已經感受到濃厚既日本味道。

untitled-1

筆者今次係第三次去大阪,依然選擇入住位於道頓崛既道頓崛酒店(Dotonbori Hotel),無他,只因超!方!便!酒店座落於道頓崛中心,徒步已可到心齋橋,難波地下街,高島屋等觀光及購物點。選擇道頓崛酒店既另外一個原因係一定唔會認錯門口,皆因酒店門口既四條人像石柱,早已是聞名地標。仲有,酒店前台日間都會有識講國語既職員係度,唔識日文?唔使驚。

untitled-1

untitled-1

由於到達酒店時未有房間可以入住,先讓酒店職員代存行李然後填託入住資料,夜晚返去果陣,行李就會乖乖地係房間入面嫁啦。(好貼心~)

放低晒行李之後,先醫五臟廟。由酒店轉右出御堂筋就有24小時營業既吉x家,松x等連鎖日式快餐。係香港已經成日食吉x家,黎到日本梗係要食松x啦!除左牛肉飯,炒蛋香腸煎魚納豆早餐等,如果你同筆者一樣係青葱控既話,呢個溫泉蛋泡菜青葱豚肉飯定食一定係你不二之選!

untitled-1

食飽早餐,附近店舖都開始營業,因為當日係星期日筆者就襯無乜上班人潮,靜靜地行下心齋橋,發現原來有好多特色店舖,咖啡店,精品店等平時都係掩蓋係五光十色下面。行到咁上下就出發去大阪環球影城 – USJ!

You may also like...