達人攻略 – 轉機有咩做?各大機場轉機客Day Tour搜羅!

transit

平機票通常都有個少少問題,就係轉機時間太長,響機場都唔知有咩好做,一般黎講轉機時間不多於24小時就可以參加由當地旅遊局提供嘅Day Tour。今次PacknGo.hk編輯同你搜羅各大機場包括台北桃園、新加坡樟宜、東京成田、土耳其伊斯坦堡同阿聯酋阿布札比機場轉機客Day Tour攻略,等你去旅行轉個機都玩到盡!

 

台北桃園機場 – 傳統景點半日遊
tpe

台北免費半日遊,都係睇吓中正紀念堂、龍山寺、三峽祖師廟同手信坊創意和菓子文化館呢啲基本到爆嘅台北景點。

小編小評:呢啲地方平日去台北都唔多去嘅,趁轉機咪…去一次囉…記住申請簽證呀。
推介度:★★

立即預訂:http://bit.ly/1Ub2OmC

新加坡樟宜機場 – 新潮古典任你揀sgchang

新加坡嘅免費半日遊,主題分開睇傳統景點嘅文化之旅,同新潮野嘅城市觀光之旅,睇你鍾意玩咩啦,係咪?

小編小評:分開唔同主題,要傳統有傳統,要新潮有新潮,可以一去。但新加坡呢,我就玩到有少少悶喇…
推介度:★★★

立即預訂:http://bit.ly/22rwKkI

成田國際機場 – Outlet Tour Shopping精最愛NRT

好恐怖啊!!!成田國際機場除咗有文化體驗、航空體驗同埋大自然體驗嘅 Day Tour,仲有標榜行Outlet嘅Outlet Tour,如果你帶埋女朋友或者老婆轉機,小心你個銀包或者張卡喇!

小編小評:主題好多好吸引,仲有呢個Shopping Tour,完全謀殺緊轉機客銀包,聽到有啲不安。
推介度:★★★

立即預訂:http://bit.ly/1XDyyGn

伊斯坦堡國際機場 – 旅程精彩但土航限定IST

伊斯坦堡國際機場提供不同到達時段嘅City Tour,有睇景點又有睇文化,大小景點都有,咁唔駛錢睇伊斯坦堡各大小景點當然提升唔少分數。但就一定要土耳其航空轉機客先用到呢個服務。

小編小評:主題好多好吸引,不過得土耳其航空轉機客先有,扣分。
推介度:★★★★

立即預訂:http://bit.ly/1TG2Nb5

阿布札比國際機場 – 買一送一 平玩富豪玩意
EY_d

阿布札比國際機場提供嘅活動係咁多個機場中最多最廣泛。無論你睇傳統阿拉伯文化一日行,漫遊沙漠,定係去水上樂園或者主題樂園,還是打高爾夫球郵輪之旅,抑或係空中城市暢遊都有提供。最重要係買一送一架!如果結伴同行有時間,值得去玩吓呀!

小編小評:Day tour內容好多好廣泛,好多體驗響其他地方都好貴,但呢度半賣半送咁,好著數呀!
推介度:★★★★★

立即預訂:http://bit.ly/1X2cPtk

 

 

 

您可能也會喜歡…