達人攻略 – 外遊sim卡話4G冇4G!?留意外地網絡頻譜先有用!

sim

外遊前好多人都會去深水埗買外遊sim卡,好多人都會為速度而加錢選購4G卡,但最後到當地得物無所用,收唔到!原來好多人買4G卡之前,都冇留意以下事項,隨時加錢買冇用嘢!

。支援制式

其實就算4G,都有分FDD同TDD制式,大部分嘅地區好似香港同澳門,都係以FDD做主流,而中國嘅中國移動就用TDD制式,兩者係互不兼容,咁如果你部手機唔支援TDD,就算買咗張Sim卡,都係冇用架。

cmhk
中國移動香港網頁已表明,在內地一定要支援TDD制式手機。

。頻譜

就算你部機支援同制式4G,都唔等於用到架!因為使用嘅頻譜好重要!例如韓國LG U+使用850/2100MHz做4G訊號,同香港電訊管理局要求支援的1800/2600MHz頻譜係唔同嘅!所以香港賣嘅手機就算係行貨,漫遊到當地都未必支援到架!

table.before Aug. 30, 2013
就算韓國用FDD制式,都同香港主流頻譜唔同。

。手機

你部手機支援該頻譜?原來就算同一手機,雙卡同單卡版支援嘅頻譜都有差異!在香港使用時可能感受不到,到海外就會發覺差異極大了!

G3

LG G3 單雙卡版的4G制式已經不同了。

。題外話:返大陸,先響香港買sim卡更著數?

係呀!因為香港嘅中國聯通同中國移動所出售嘅香港卡,全部已經較好晒VPN,唔駛設定翻牆就上到Facebook同馬會呢啲香港人日常生活網站。大陸賣雖然平,但唔一定翻到,咁翻唔到的話,嗰10GB流量你慢慢上優酷睇片啦。

cmhk2

香港卡,全部已經較好晒VPN,唔駛設定翻牆。

您可能也會喜歡…