達人攻略 – 係咪咁巧合呀?幻海奇情到雲海都解釋唔到!酒店比價網買貴野陷阱逐個捉!

2

近期好多自稱酒店比價網站表示可以幫你搵到至抵酒店,而好多旅遊網同旅遊blogger都叫大家去呢啲網站比價,但有熟悉呢類網站嘅技術專員同我地講,原來去酒店比價網站搵價錢,可能冇平到之餘,仲貴咗差唔多成倍呀!今日我地就請到佢講解一下酒店比價網買貴野陷阱實錄!

1.房價太低好巧合地Load唔到價

酒店比價網站有時候好巧合地,當某酒店網站房價太低時就會顯示「暫時未能顯示房價」,如果你手多多Click入去就會發現點解會平咁多嘅?我地查過至少唔同地方嘅酒店,都好係好巧合地有時都會出現類似情況,好似下面個例子咁,明明話最平係Booking.com,但如果手多多Click入去「暫時未能顯示房價」嘅HotelTravel,即時平咗,好多都係咁,呢啲超越科技能夠解釋嘅科技,唔知雲海大師可唔可以解釋吓?

3

2.靜雞雞加收信用卡費用

酒店比價網站有時候會show某間同佢合作開嘅酒店網站,價錢仲會平過其他添,你click人去係見到呢個價架,仲一直個程序都好正常架,直到你要畀錢好集中精神咁入信用卡資料嘅時候就出事喇!咦?點解會咁嘅?點解突然間會有信用卡附加費嘅,傻豬豬嘅你通常會唔發覺,或者Submit咗先發覺,數都過埋!又中伏買貴咗喇!好似下面呢個例子,見唔見到?未入到一半,系統一check到係master card,即刻彈咗個交易費出黎,最弊係VISA都要畀,即係硬食。退款?唔記得同你講,退款要收$400手續費架。

4

3.就算有價都唔一定啱價

古語有云:耳聽三分假,眼看未為真。Show晒價錢出黎,都唔一定係真,吓?我唔直接答你,以下例子答:同一間酒店,某比價網話Jalan報緊$923HKD晚,但一上Jalan官網就見到同一日報緊7037JPY(HKD$525,約7.4算價位)。嘩!唔知佢地比價網用緊邊間找換店呢?我手頭仲有啲日圓,見升緊想兌做港紙呀!你地呢間個水位咁高,介紹吓得唔得?

5

達人教路:格價真係靠自己!

睇到上面嘅實錄,其實都好應該明白,免費野唔一定方便,好多陷阱位唔覺意即中招!比價網可以參考,但一定唔好盡信,掃完心水酒店,再逐間click入去格價,先係精明消費者!

您可能也會喜歡…