達人攻略 – 人氣No.1 oHacorte 沖繩必食甜品Cafe
當地嘅沖繩少女話：沖繩最好食嘅Fruit tart，就一定係oHacorte！
oHacorte係一間賣甜餅店嘅雜貨鋪，響當地非常出名係佢嘅Fruit tart，真係超級好食咁話喎！如果唔係要強求去本店，可以選擇去那霸國際通市政廳附近嘅泉崎分店，抖陣再去Shopping，正呀！
有咩好食？梗係試晒佢啲Fruit tart同店員推介嘅Chocolate Tart啦，再叫杯柚子梳打，等我試味先！
好正啊！雜果撻甜中帶酸，材料食得出好新鮮之餘，個撻底keep住脆嘅！而雜莓撻酸酸地好醒胃，唔會太甜，我鍾意！
不過朱古力撻太甜喇，我麻麻。
響度hea一兩個鐘，睇吓鋪入面啲沖繩雜貨，都好正架！總之，冇介紹錯啦！
地址：沖縄県那覇市泉崎1-4-10 喜納ビル
