達人報告 – 水準有驚喜!國泰曼谷商務貴賓室報告!

其實國泰同港航商務艙價錢已經追到得二三百差距,作為飛港航飛到金鵬俱樂部銀卡嘅筆者,終於抵受唔住「國泰只係貴港航三百咋」嘅誘惑,今次跳槽轉試國泰。

曼谷機場商務貴賓室在2015年中翻新,佔地約6790平方呎,大過港航曼谷個CIP Lounge。因為國泰專用,人唔太多,而且國泰貴賓室座位有USB叉電位,冇得輸。

食物區方面,有西式三文治同沙律吧。

熱食區有雲吞麵、擔擔麵、點心、Pad Thai等等選擇,絕對好過得MAMA杯麵嘅港航曼谷CIP Lounge。味道唔差,一定好過食杯麵。

飲品:有個酒吧提供唔同Drinks,有Bar Tender即Order即調,Drink List有Cocktail例如Mojito、Bloody Mary等等,一杯老蘭都貴啦。

總評:貴三百,抵飛啦!

如果你問我,畀多三百換呢種享受抵唔抵?我會覺得真係值嘅。起碼國泰提供嘅嘢真係比港航多好多,如果國泰Keep住咁減,我都有可能跳返過國泰。

您可能也會喜歡…