航空短打 – 送里數變相買一送一!國泰航空Fanfares四週年大升級!商務艙特選經濟艙加入戰團 必問Q&A

jalan_a

國泰航空Fanfares踏入四週年終於黎個大升級!今次商務艙特選經濟艙加入戰團,仲標榜儲足最少110%里數,買大送細,為乘客帶來新選擇!搶飛之前,我地梗係請國泰航空企業傳訊部代表同我地講解一下,究竟有咩要注意啦!

1.今次Fanfares大改革同以往有咩唔同?

答:今次Fanfares大改革除了以往經濟客艙供應之外,仲會加入商務艙同特選經濟艙,無論長短途都會推出,畀各位fans更多選擇。

2. 商務艙特選經濟艙Fanfares會有幾多張機票供應?

答:商務艙和特選經濟艙Fanfares每期各航點會有約500張機票供應,各位Fans唔怕搶唔到。

jalan_a

3. 特選經濟艙Fanfares有咩特別?

答:除了可以享受近期更新35KG行李限額之外,仲有110%里數供應,如果揀長途機,變相送多張機票畀你。

4.商務艙Fanfares有咩特別?

答:除了可以享受近期更新40KG行李限額之外,仲有125%里數供應,仲有貴賓室服務,提供一個完全商務艙體驗。

5. 同一個航點會唔會同時出晒經濟艙、商務艙同特選經濟艙?

答:唔會,每星期11個航點優惠不會重覆,但不排除因市場反應作調整。

jalan_a

小編短評:Fanfares四週年驚喜不大 仍有可取之處

今年Fanfares四週年驚喜實在不大,但里數方面值得一儲。例如來回JFK/EWR的特選經濟艙有110%里數,已經夠換一張台北來回機票,咁樣買大送細的話,Fanfares就抵玩好多,但短途航班方面,則覺得只為反擊港航而設,價錢依舊貼港航價,仍見進步空間。

 

您可能也會喜歡…