航空短打 – 真係唔吸引?率先爆快運停飛關島之謎!

快運宣佈停飛關島航線,好多輿論都話關島唔好玩、A320飛關島就實太Chur、賺埋唔夠油錢等等。唉,少年你太年輕了,內部消息人士同我哋講,關島停飛係因為計錯客源咋!

好多人以為,關島只係一個旅遊熱點,如果係真的話,聯合一星期四班去呢個冇咩人考慮嘅Port就未免太多喇。其實好多美國政府認可嘅專業試或者能力評估試,都係要美國境內進行,而關島就係其中一個。所以年中唔少人都會飛關島,造就聯合長做長有。

參與呢啲美國政府認可嘅專業試或者能力評估試,大多都係身為專業人士或海漂一族,佢地多都係有Budget、成日飛美國、公司出錢或者自己有錢,對價格敏感度唔係話唔高,但聯合美國Network始終大,對呢啲客有商務艙、有里數儲、而又公司出錢嘅話,真心唔會揀快運。所以快運關島草草收檔,又真係好正常嘅。

您可能也會喜歡…