航空短打 – 盈利大跌!阿聯酋航空Cut Cost止血!

 

好多人成日話因航服務唔好先冇人搭,人哋中東三寶不知幾受歡迎云云。傻豬黎嘅!今年阿聯酋下半年營利倒退咗75%,同新航加國泰嘅接近八成睇齊,咁受歡迎咁多人搭都唔賺錢咁點算!阿聯酋航空立即學因航方丈咁出一刀Cut Cost亂劍斬喇!看招!

由12月中開始,阿聯酋航空已經向部分特價機票乘客收取選位費用,而響1月開始,更加推出以下Cut Cost措拖:

1.使用A380執飛嘅短途航班頭等艙將唔會提供淋浴服務,以減少飛機起飛重量。暫時香港曼谷線依然有,但真係唔知幾時會Cut埋。

2.經濟艙部分酒類開始收費,而要收費嘅香檳會再加價。

3.所有航線嘅特別餐都唔會再有海鮮餐供應。

4.所有航線經濟艙唔會再提供熱毛巾。

老老實實,2017年真係航空界艱難嘅一年,連賣服務嘅阿聯酋都要減服務,證明服務好壞與否同客量或者營利無關,反而價錢先係乘客最關心嘅事。

資料來源:boardingarea.com

 

您可能也會喜歡…