航空短打 – 玩得太盡!國泰限制Avios兌換條件!

大家可能有留意,我哋編輯部其實好少講儲里數,因為主導權永遠響航空公司手上面,五時花六時變你都奈佢唔何,倒不如飛平啲保留現金好過!好似坊間好追捧嘅英航Avios積分咁,聲稱里數易儲多回贈!不過,原來上年年尾開始互通嘅國泰航空已經修改Avios兌換限制,想用Avios兌國泰?冇咁易呀!

由上年年尾開始,國泰航空已經跟據合約單方面修改Avios兌換條件,包括Last Minute最後五天嘅機票兌換,而同樣通行國泰兌換系統嘅美國航空、澳洲航空,或者自家嘅亞洲萬里通都唔受影響。英航官方答覆表示,係因為有為數唔少用戶濫用機制,所以同國泰航空共同決定加入限制。

據了解,原來國泰發現有人儲miles響網上平價賣機票,呢種情況更以英航Avios系統兌換國泰短途航班更甚。因為Avios短途著數過Asia Miles好多,吸引咗一批「里數兌換家」集團式經營,因此官方作出堵截,消息仲話之後會繼續留意情況再作更多限制!一日英航唔改制,相信未來Avios兌國泰機票應該越冇運行!

您可能也會喜歡…