航空短打 – 獨家爆料!航空界嚴冬!多間航空公司Cut人!

依家先話裁員?其實一早減緊啦!國泰航空前日宣佈中上層瘦身,點止咁少嘢呀,我哋仲有料爆!不過除咗國泰,原來好多航空公司都裁減緊香港外站員工!唉,今次航空界寒冬真係唔惹少!

裁員
國泰其實上個月開始,已經傳出各部門要交headcount名單,為裁員做準備。不過除咗國泰,某兩大主力歐洲線嘅豪華航空公司香港分站,都盛傳有人慘食無情雞,兩間消息都仲話,情況如果持續惡劣,裁員陸續有黎。

暫停招聘
某間近年進入香港市場嘅北美航空公司,一直以來都以高薪向其他航空公司挖角。但自上年年底市場疲弱後,已經暫停香港區所有招聘。而某內地航空公司,亦暫緩香港區員工招聘。

解散外站
覺得呢啲都好慘?未算啊!某東南亞航空公司已經通知員工將會解散香港外站,即係冚球炒!香港航線會交由代理處理,香港聘請的員工會按勞工法例賠償。

港航係苦海明燈?知情人士:人工少三份一!
咁多間都裁,得港航仲請緊人,好似都唔係好寒啫!非也!知情人士講,港航出手一向都低,人工只係其他公司市價三份二,上年出四個月糧都係僅僅追平,如果唔係走投無路,都應該唔考慮港航。

您可能也會喜歡…