航空短打 – 獨家內部消息!圖則朝令夕改!港航新大樓竣工無期!

獨家消息!我哋收到港航內部消息,指宣稱2018年落成的港航飛行培訓中心,因為涉及圖則大量改動嘅問題,竣工時間無期!

消息人士指,最大原因係港航內部各大海航管理層對新大樓意見多多,左改右改,增加大量額外工程費用:「新大樓遊泳池原本放地下,但有個高層話要型過國泰,要求將個泳池放天台。你知成缸水放上天台的話,工程就要加固,又要做額外防漏,個則又要再改,價錢要再度過,度完又話價錢太貴唔做。」

此外,消息人士亦表示,決定興建大樓時管理層從來冇考慮實際用途:「原本個則保留咗空間二樓放Flight Simulator,但畫好個則先知個Simulator太重,於上二樓會有結構危險,要放返落地下,所以個則又要再改過。」

據消息人士指,改則已經浪費了太多時間,部分地方設計仲未準備好,所謂的2018年落成目標「實在係個笑話」。

您可能也會喜歡…