航空短打 – 海航狀況未明 港航未來添變數?

港航近月的確都算多事之秋,母公司海航多次傳出欠債,「賣仔」消息又屢再傳出,先前「全日飛」吸金式賣飛搞到人人人心惶惶,生怕港航又會再步甘泉後塵,機票變廢紙!究竟港航未來會係點呢?

我哋港航內部可靠消息指港航財政仍然健全:「之前話蝕錢,係因為要起訓練中心同埋交機啫,整體港航其實仲賺緊錢嘅。」消息續指:「不過未來好肯定係,好多嘢都唔會好似以前咁闊綽。」言下之意,應該指港航會與因航一樣,踏入cut cost之路。而在拓展航線方面,港航速度會減慢:「今年年尾預計會開New York,但倫敦就會延遲到下年。三藩市會開到八月,之後會暫停一陣。」

至於「賣仔」消息又點呢?消息續指港航雖然向外聲稱畀第三方買咗,但與香港快運、SATS香港和Zuji一樣,港航仍然都由海航的關鍵公司優利航空(Uriel Aviation)控制,左手交右手關係不言而喻:「有人問過收購部分資產,但海航傾向成個Uriel賣,畢竟佢地都好等錢洗。」市場兩三年前曾盛傳阿提哈德航空曾提出收購港航,但因作價太低拒絕。

總括而言,依家買港航機票係唔係安全呢?「短期內唔會,不過講真,賣同唔賣都有隱憂嘅。」他指:「港航如果真係甩咗海航,睇上黎港航係冇咗個負累。不過港航好多開支都係海航內部互Deal,好似啱啱部33T都係海航嘅Avolon用特價租畀港航,港航如果賣盤後又點計?成本升票價又要加,到時有冇人搭?同海航分手的話,咁以後啲客邊度黎呢?港航好多客都係海航過黎。」係咪即係唔分手好啲?「海航內部都傳會cut機縮network,客源一樣會有影響架!同埋港航都係海航一隻會生金蛋嘅雞,叫價一定要高,唔見得賣得成!所以未來嘅嘢,真係冇人知!」

您可能也會喜歡…