航空短打 – 咁都得?行內盛傳快運又拖數!

之前被傳媒報導民航處對飛機營運人作出四次不定期審查四中三嘅香港快運航空,近日被行內盛傳又再重施故技:拖數大法!而且拖數嘅對象竟然係同系嘅HAGSL!吓?

據爆料消息指,香港快運航空拖欠香港航空地面服務有限公司(HAGSL)地勤服務費用,三間公司理論上係獨立營運,但正所謂家醜不出外傳,不過傳到出黎,證明條數疑似已經拖咗一段時間,同系有人不滿追唔到數先揚咗出黎。

我哋之前都踢爆過香港快運唔夠人手嘅事,結果搞到大cut機,今次又被爆拖數,快運係咪想搞到好似當年咁,要其他航空公司要佢地交現金先心息?

您可能也會喜歡…