航空短打 – 又Cut里數喇!港航商務艙金鵬積分變零!

是咁的,近排香港航空靜靜Cut野,唔知大家有冇留意到呢?事關近日港航商務艙多個熱門航點如東京、大阪、曼谷及台北等地金鵬積分變晒做零,Cut走原有100%里數積分,變相一眾商務客一分都儲唔到!

我地睇過,唔係Flash Sale先cut,就算平日買貴少少都一樣Cut走晒,有冇搞錯?以大阪來回為例,連經濟艙最平價連稅千一都有約五百積分,相比之下商務艙畀五千但一分都冇,實在說不過去。如果商務艙要積分,麻煩畀正價二萬五啦!喂,二萬五蚊都差唔多夠搭兩次國泰商務啦,仲有Asia Miles送添!

港航商務艙一直以平靚正取勝,依家呢個動作,會唔會得失一批商務客呢?大家放長雙眼睇啦!

 

您可能也會喜歡…