航空短打 – 你估得國泰?中東三寶都出事!

因管理不善而在全球最佳航空公司排名榜由冠軍跌落第三位的國泰航空大家都聽東方丈講得多喇,好多人成日都話國泰服務差咗,搞到冇人搭(好似係),又話中東三寶服務好好越來越受乘客歡迎云云。中東三寶真係咁好做?其實呢,中東三寶近年各自都面對緊盈利大跌危機!

阿聯酋航空

因市場需求疲弱,阿聯酋航空錄得五年來乘客量首次下跌,同時間每乘客收入於2016年更下跌百分之十。截至2016年九月底,阿聯酋航空盈利倒退七成半,情況與國泰相若。為求止血,阿聯酋航空近月宣佈停辦部分航線之餘,亦考慮精簡服務標準,意味cut cost時代來臨。

阿提哈德航空

身為中東三寶新貴阿提哈德航空面對盈利下跌,已經於十二月中宣佈重新檢視公司架構、裁減非必要職位、以及重訂未來投資策略,包括收購意大利航空的決定。市場亦傳出阿提哈德航空董事長James Hogan已因策略失誤造成虧蝕而被解僱。

卡塔爾航空

因為穩定天然氣資源,卡塔爾航空表示無裁員或重整壓力。雖然卡塔爾航空不及前二者大刀闊斧改革,但早前航空公司以引擎表現為由,撻訂空中巴士50多部新飛機,轉而選擇波音客機以延長交付期後,市場傳聞卡塔爾航空近月已不斷縮減廣告開支,預料為艱巨市場作準備。

可見未來一年,各大航空公司都會不斷Cut Cost,低處未算低嘅票價,到底係好係壞?

您可能也會喜歡…