航空短打 – 仲未還錢!泰東突然宣佈香港線延期!

是咁的,泰國東方航空呢間嘢連泰國人都唔敢坐,係得我哋香港人先咁大無畏啫!之前講過,話泰東終於回歸香港線,消息一出,不知幾多人立即狗衝入飛!但係呢,過冇幾日,泰東突然宣佈香港線延期!原因?當然係仲未還錢啦!

據了解,泰東係有民航處permit,即係可以經營香港線。不過消息一出,機場管理局同港機維修立即做嘢!話說泰東有一隻747客機跪咗響香港差不多一年換引擎,但一直都冇畀錢,依家你飛過黎香港,仲唔立即要你還錢?唔還?扣機囉!就係咁,泰東香港線又再延期喇!

不過泰東其實都出名麻煩,例如上次停航時要追到年底先退款,以及有傳其姊妹公司泰國暹邏航空曾拖欠地勤服務費用,睇怕今次都有排搞喇!

您可能也會喜歡…